பின்பற்றுபவர்கள்

வெள்ளி, 20 ஜனவரி, 2017

வானும் மண்ணும் ஒன்றாய்


திரைப்படம்: வரம் (1989)
இயக்கம்: R C சக்தி
பாடல்: வைரமுத்து
பாடியவர்கள்: P ஜெயச்சந்திரன், வாணி ஜெயராம்
இசை: M S விஸ்வநாதன்
நடிப்பு: பிரபு, அமலா


இனிமையான அமைதியான பாடல். மீண்டும்.. "தைமாதம் கல்யாணம் அங்கே காதல் ஊர்கோலம்" என்னும் பாடலை நியாபகப்படுத்தும் பாடல். காட்டில் கல்யாணம் நடந்தால்? விதிவசத்தால் தேடப்படும் குற்றவாளியாகி காட்டில் மறைந்து வாழும் பிரபுவுக்கு அவரது நண்பர்கள் அவரது காதலி அமலாவை அங்கேயே அழைத்து வந்து மணமுடித்து வைக்கிறார்கள். அச்சூழலில் இப்பாடல். இத்தகவலை அறிந்த பின் இப்பாடல் பதிவினை கண்ணுற்றால் சுவை கூடும்.

Play Music - Upload Audio Files -






வானும்  மண்ணும் ஒன்றாய் கூடும்
காதல் வைபோகம்
மழையும் அடிக்க  வெய்யிலும் அடிக்க
இங்கே  கல்யாணம்
வானும்  மண்ணும் ஒன்றாய் கூடும்
காதல் வைபோகம்
மழையும் அடிக்க  வெய்யிலும் அடிக்க
இங்கே  கல்யாணம்

காதல் மாலை  சூடும் வேளை
கண்ணில் கார்க்காலம்
காதல் மாலை  சூடும் வேளை
கண்ணில் கார்க்காலம்

கண்ணே  உந்தன் கன்னம் ரெண்டில்
கண்ணீர் ஊர்கோலம்
கண்ணே  உந்தன் கன்னம் ரெண்டில்
கண்ணீர் ஊர்கோலம்
வானும்  மண்ணும் ஒன்றாய் கூடும்
காதல் வைபோகம்
மழையும் அடிக்க  வெய்யிலும் அடிக்க
இங்கே  கல்யாணம்

ஹா ஹா ஹா ஹா ஹா ஹா
வானிலிருந்து பூக்கள் தூவ  
தேவர் வரவில்லையே
வசந்த கால பூவை தூவி
வாழ்த்தும் கொடி முல்லையே
வாழ்த்தும் கொடி முல்லையே

வானிலிருந்து பூக்கள் தூவ  
தேவர் வரவில்லையே
வசந்த கால பூவை தூவி
வாழ்த்தும் கொடி முல்லையே
வாழ்த்தும் கொடி முல்லையே

வரம்பு கடந்து நரம்பு துடிக்கும்
இங்கே  சுவரில்லையே
வளர்ந்த கொடிகள் சிறைகள் ஆனால்
ஒன்றும் தவறில்லியே
வளர்ந்த கொடிகள் சிறைகள் ஆனால்
ஒன்றும் தவறில்லியே

வானும்  மண்ணும் ஒன்றாய் கூடும்
காதல் வைபோகம்
மழையும் அடிக்க  வெய்யிலும் அடிக்க
இங்கே  கல்யாணம்

ஹா ஹா ஹா ஹா ஹா ஹா

காட்டுக் குயில்கள் பாட்டுப் பாடி
லாலி படிக்கின்றது

அருவிப் பொழிந்து தரையில் விழுந்து
மேளம் அடிக்கின்றது
மேளம் அடிக்கின்றது
காட்டுக் குயில்கள் பாட்டுப் பாடி
லாலி படிக்கின்றது

அருவிப் பொழிந்து தரையில் விழுந்து
மேளம் அடிக்கின்றது
மேளம் அடிக்கின்றது

பாலும் பழமும் பருகவில்லை
பந்தி நடக்கின்றது
நாளும் நடந்து முடிந்த பின்னும்
நாணம் இருக்கின்றது
நாளும் நடந்து முடிந்த பின்னும்
நாணம் இருக்கின்றது

வானும்  மண்ணும் ஒன்றாய் கூடும்
காதல் வைபோகம்
மழையும் அடிக்க  வெய்யிலும் அடிக்க
இங்கே  கல்யாணம்

காதல் மாலை  சூடும் வேளை
கண்ணில் கார்க்காலம்
கண்ணே  உந்தன் கன்னம் ரெண்டில்
கண்ணீர் ஊர்கோலம்
கண்ணே  உந்தன் கன்னம் ரெண்டில்

கண்ணீர் ஊர்கோலம்

சனி, 14 ஜனவரி, 2017

நிலவில்லாமல் வானிருக்கும் மலரில்லாமல் தேனிருக்கும்

இந்த படத்துக்கு இசை இப்ராஹீம் என்பவர் என்பது கவனிக்கப்பட வேண்டியது. இனிமையாகத்தான் உள்ளது. மலை விழுங்கி இசையமைப்பாளர்கள் அப்போது இருந்த போது இவர் ஜொலிக்க முடியாதது  புதிதல்ல.

திரைப்படம்: வழிகாட்டி (1965)
இயக்கம்: விபரங்கள் இல்லை.
நடிப்பு: எஸ் எஸ் ஆர், விஜய குமாரி
இசை: இப்ராஹீம்
பாடல்: வாலி
பாடியவர்கள்: டி எம் எஸ், சுசீலா






Music podcasts - Listen Audio -










நிலவில்லாமல் வானிருக்கும்
நீயில்லாமல் நானில்லை –உன்
நினைவில்லாமல் வேறில்லை
நிலவில்லாமல் வானிருக்கும்
மலரில்லாமல் தேனிருக்கும்

முன்னும் பின்னும் நடை
பின்னி பின்னி வரும் பாவையே
காதல் தோற்றம் தோற்றம் என்ன
சொல்வேன் என்னை மயக்குதே

அழகே அருகே வருவாயே
இன்னுமா
ஹும்
வெட்கமா
ஹும்
நிலவில்லாமல் வானிருக்கும்
மலரில்லாமல் தேனிருக்கும்

அள்ளி அள்ளி செல்ல
மெல்ல மெல்ல வந்த மன்னவா
சுகம் தேடி தேடி வரும் அல்லவா
இன்னும் சொல்லவா

அருகே அருகே வருவேனே
அச்சமா
ஹும் 
இன்னுமா
ஹும்
நிலவில்லாமல் வானிருக்கும்
மலரில்லாமல் தேனிருக்கும்

தங்க திருமுகம் தேனாறோ
நீ தரையில் தவழும் பூந்தேரோ
மன்னவன் என்பதும் நீதானோ
ஒரு மாளிகை என்பது மனம் தானோ

ஏழை அங்கே வருவேனே
என்னை உனக்கு தருவேனே
நிலவில்லாமல் வானிருக்கும்

மலரில்லாமல் தேனிருக்கும்

வெள்ளி, 2 டிசம்பர், 2016

உள்ளத்துக்குள்ளே ஒளிந்திருப்பது ஒன்றல்ல கண்ணா


வாழைத் தோட்டம் பூத்தது போல் கால்கள் இரண்டு
அதை வட்டம் போட்டு வருவதென்ன கண்களிரண்டு
நல்ல பாலும் தேனும் பெண் வடிவில் ஒன்று திரண்டு
உன்னைப் பருகச்சொல்லி உருகியதோ அருகினில் வந்து

அஹா என்ன  ஒரு  கவிதை..? இது  போல  வரிகள்  கொண்ட பாடல்களை  காலம் பூராவும் கேட்டுக் கொண்டிருக்கலாமே.. மற்ற  வரிகளும் சோடை  போகவில்லை. பாடல்  வரிகளுக்கு ஏற்ற இசையும், பாடியவர்களின்  அருமைக் குரலும் ஆஹா  ஆகாதானே.. கேட்டு மகிழ்வோம்..


திரைப்படம்: பழனி (1965)
இசை: M S விஸ்வநாதன் - T K ராமமூர்த்தி
பாடியவர்கள்: P.சுசீலா, T M.சௌந்தரராஜன்
பாடல்: கண்ணதாசன்
நடிப்பு: சிவாஜி, முத்துராமன், தேவிகா
இயக்கம்: பீம்சிங்க்

உள்ளத்துக்குள்ளே ஒளிந்திருப்பது ஒன்றல்ல கண்ணா
உள்ளத்துக்குள்ளே ஒளிந்திருப்பது ஒன்றல்ல கண்ணா
சொல்லால் சொன்னால் அதில் சுவையில்லை கண்ணா கண்ணா
உள்ளத்துக்குள்ளே ஒளிந்திருப்பது ஒன்றல்ல கண்ணா

கன்னத்துக்குள்ளே கனிந்திருப்பது ஆயிரம் கண்ணே
கன்னத்துக்குள்ளே கனிந்திருப்பது ஆயிரம் கண்ணே
கண்ணால் அதைக்கண்டால் மட்டும் சுகமில்லை கண்ணே
சுகமில்லை கண்ணே
உள்ளத்துக்குள்ளே ஒளிந்திருப்பது ஒன்றல்ல கண்ணே
சொல்லால் சொன்னால் அதில் சுவையில்லை கண்ணே கண்ணே
உள்ளத்துக்குள்ளே ஒளிந்திருப்பது ஒன்றல்ல கண்ணே

அல்லிப்பூவைப் போலிருக்கும் அழகிய மேனி
நான் அங்கு வந்து தேன் எடுத்துப்பாடிடும் தேனி
அல்லிப்பூவைப் போலிருக்கும் அழகிய மேனி

நான் அங்கு வந்து தேன் எடுத்துப்பாடிடும் தேனி
இங்கு போதை கொண்டு ஜாடை காட்டும் மலையினில் ஏறி
நான் பொய்கை மீது தாவிடுவேன் உன் பெயர் கூறி

அஹாஹா அஹாஹா ஆ  ஆ  அஹாஹா....

உள்ளத்துக்குள்ளே ஒளிந்திருப்பது ஒன்றல்ல கண்ணே

வாழைத் தோட்டம் பூத்தது போல் கால்கள் இரண்டு
அதை வட்டம் போட்டு வருவதென்ன கண்களிரண்டு
நல்ல பாலும் தேனும் பெண் வடிவில் ஒன்று திரண்டு
உன்னைப் பருகச்சொல்லி உருகியதோ அருகினில் வந்து

அஹாஹா அஹாஹா ஆ  ஆ  அஹாஹா....

உள்ளத்துக்குள்ளே ஒளிந்திருப்பது ஒன்றல்ல கண்ணா

மெல்ல மெல்ல கண்ணை மூடித் திறந்திட வேண்டும்
கதை சொல்ல சொல்ல இதழிரண்டும் சிவந்திட வேண்டும்

சொல்லும் போது பெண்ணைக் கொஞ்ஜம் கவனிக்க வேண்டும்
என்னைத் தோழி பார்த்து சிரித்திடாமல் அருள் செய்ய வேண்டும்

அஹாஹா அஹாஹா ஆ  ஆ  அஹாஹா....
உள்ளத்துக்குள்ளே ஒளிந்திருப்பது ஒன்றல்ல கண்ணா
சொல்லால் சொன்னால் அதில் சுவையில்லை கண்ணா கண்ணா
உள்ளத்துக்குள்ளே ஒளிந்திருப்பது ஒன்றல்ல கண்ணே

ஞாயிறு, 27 நவம்பர், 2016

எண்ணம்போல கண்ணன் வந்தான் அம்மம்மா


திருமதி சுசீலாம்மா  பாடினால்  விமர்சிக்க இடமே இல்லை. அவ்வளவு
பாடல்களும்  உயிரை  உருக்கும்  விதமாக  இனிமையாக  பாடி இருப்பார். இந்த பாடலும் அதற்கு விதிவிலக்கில்லை. எந்த  விதத்திலும் அலட்டிக் கொள்ளாமல், நடிப்பவர் பாடுவது போல  பாடும்  சிறப்பு  அவருக்கு மட்டுமே  சொந்தம்.

திரைப்படம்: பூவும் பொட்டும் (1968)
இசை: R. கோவர்த்தன்
நடிப்பு: முத்துராமன், A V M ராஜன், பாரதி, ஜோதி லக்ஷ்மி
பாடிய குரல்: P சுசீலா
பாடல்: கண்ணதாசன்
இயக்கம்: தாதா மிராஸி



Upload Music - Share Audio -






எண்ணம்போல கண்ணன் வந்தான் அம்மம்மா
பெண்மை வாழத் தன்னைத் தந்தான் அம்மம்மா
எண்ணம்போல கண்ணன் வந்தான் அம்மம்மா
பெண்மை வாழத் தன்னைத் தந்தான் அம்மம்மா
கன்னிப் பெண்ணைக் கட்டிக் கொண்டான் அம்மம்மா
கை விடாமல் காக்க வேண்டும் அம்மம்மா
எண்ணம்போல கண்ணன் வந்தான் அம்மம்மா
பெண்மை வாழத் தன்னைத் தந்தான் அம்மம்மா

பொன்னை எடுத்து மாலை தொடுத்து
பூவும் பொட்டும் சூடி என்னை அள்ளி அணைத்து
பொன்னை எடுத்து மாலை தொடுத்து
பூவும் பொட்டும் சூடி என்னை அள்ளி அணைத்து
கண்ணன் வழங்கும் இந்த உறவு
தென்றல் போல வானம் போல என்றும் வளர
பள்ளியறையில் மெல்ல நடந்து
கண்ணன் வரும் நாள் என்று வருமோ
எண்ணம்போல கண்ணன் வந்தான் அம்மம்மா
பெண்மை வாழத் தன்னைத் தந்தான் அம்மம்மா

ராதை மடியில் கண்ணன் இருந்தான்
கண்ணன் வேறு பெண்ணை நெஞ்சில் எண்ணியிருந்தான்
ராதை மடியில் கண்ணன் இருந்தான்
கண்ணன் வேறு பெண்ணை நெஞ்சில் எண்ணியிருந்தான்
சீதை மடியில் ராமன் இருந்தான்
ராமன் வேறு பெண்ணை நெஞ்சில் காண மறந்தான்
கண்ணன் என்பது மோக வடிவம்
ராமன் என்பது காதல் வடிவம்

எண்ணம்போல கண்ணன் வந்தான் அம்மம்மா
பெண்மை வாழத் தன்னைத் தந்தான் அம்மம்மா
கன்னிப் பெண்ணைக் கட்டிக் கொண்டான் அம்மம்மா
கை விடாமல் காக்க வேண்டும் அம்மம்மா
எண்ணம்போல கண்ணன் வந்தான் அம்மம்மா
பெண்மை வாழத் தன்னைத் தந்தான் அம்மம்மா