முத்தம் முத்தம் செந்தேன் அல்லவோ

10 நாட்கள் திடீர் சென்னை பயணம். கல்யாண வேலைகள், அலைச்சல் காரணமாக இந்த நீண்ட இடைவெளி. அடுத்தவாரம் தொடர்ந்து சந்திப்போம். புதிதாக இணைந்த அன்பர்களுக்கும் தொடர்ந்து பாடல்களை ரசித்து கருத்துகளை வழங்கி வரும் அன்பர்களுக்கும் மீண்டும் என் நன்றிகள்.

இன்றும் ஒரு இனிமையான பாடல்.  முழு படமும் இன்று கிடைத்து முழு பாடலையும்  இங்கே  பதிவேற்றி இருக்கிறேன். கேட்டு மகிழுங்கள்.

திரைப் படம்: புத்திசாலிகள் (1968)
நடிப்பு:  ஜெயஷங்கர், M A ராதிகா, மனோரமா
இயக்கம்: அருண்
இசை: V குமார்
பாடியவர்கள்: T M S, Y ஸ்வர்னா
பாடல்: வாலி


Listen Music Files - Embed Audio Files -








முத்தம் முத்தம் செந்தேன் அல்லவோ

நித்தம் நித்தம் தந்தேன் அல்லவோ

கண்ணா கண்ணா உன் வேகமென்ன

கன்னம் கன்னம் புண்ணானதென்ன

இன்னும் தந்தால் பெண் என்னாவதோ

முத்தம் முத்தம்

இதயத்திலே ஒரு கதவிருக்கும்

இரவு பகல் அது திறந்திருக்கும்

விழிகளிலே வரும் வழி இருக்கும்

வாவெனவே மனம் அழைத்திருக்கும்

இதழ்ச் சுவையோ இல்லை மதுச் சுவையோ

ஓ  ஓ  ஓ  ஓ  ஓ  ஓ

இதழ்ச் சுவையோ இல்லை மதுச் சுவையோ

பிடி இடையோ இல்லை மலர் கொடியோ

குறு நகையோ அது சிறு கதையோ

குறு நகையோ அது சிறு கதையோ

காலமெல்லாம் வரும் தொடர் கதையோ

முதன் முதலாய் என்ன அறிமுகமோ

ஓஹோ ஓஹோ ஹோ ஹோ ஓஹோ

முதன் முதலாய் என்ன அறிமுகமோ

கலைகளிலே நல்ல அனுபவமோ

ரஸிப்பதிலே இது புது விதமோ

ரகஸியமாய்த் தொட சுகம் வருமோ

முத்தம் முத்தம் செந்தேன் அல்லவோ

நித்தம் நித்தம் தந்தேன் அல்லவோ

கண்ணா கண்ணா உன் வேகம் என்ன

கன்னம் கன்னம் புண்ணானதென்ன

இன்னும் தந்தால் பெண் என்னாவதோ

லலா லாலா  லாலா